الموضوع: حاولت أغيّر فيك من كثر ما اغليك !

هذه القصيده مما راق لي للشاعر ثامر شبيب



"
البارحه مابين وشلون يمديك في يوم واحد ياحبيبي تغيّرت

الليل خلاني وخلا طواريك تلعب بقلبي كل ماداخلي ثرت

سويت شين حدني غصب ماجيك والا قبل لاسير الليل سيرت

هدمت كل اللي بنيت بتجافيك هدمت لا والله بالعون دمرت

خليتني ماقلت لي شلون اخليك ليتك بحالي قبل مارحت ناظرت

الله كريم يصبر اشواق مغليك لاقام ينثرني غلاك وتناثرت

والله يسامح قلبي اللي مواليك اخذت كل اللي تبي منه وانكرت

منهار جيت العام تسبق خطاويك واليوم ماكنك قبل جيت وانهرت

في ذمتك لامن تذكرت ماضيك من يطري في بالك اليامن تذكرت ؟

من كثر مافكرت وشلون اراضيك وياك في نفسي ولا يوم فكرت

على كثر ماكنت متمسكن فيك وعلى كثر ماحتجتني ماتعذرت

جيتك وعندي حاجتن بين اياديك والمشكله تقدر عليها وقصرت

رح بشر اللي ملتفت لك يناديك قله تركته لخاطرك ماتأخرت

صدقني انها غلطتي يوم اداريك ولا انت لولا غلطتي كان ماصرت

كبرتك بعين البعيد وحواليك ابيك تكبر والمصيبه تكبرت

حاولت اغيّر فيك من كثر ما أغليك قدرت!! لكنك عليّ تغيّرت "

وبهالزمن تلاقي الكثير من احبائك لما تريد ان تغيرهم للافضــل يهجرونـك وكانك اخطأت بتوجيه النصح لهم

صح لسااانه
شرايكم ؟؟

كلمات في قمه الروووعه

يسلموووووو فيشوووووووو

دمت بود

ابدعتي ورسمتي رائعة من روائعكـ ،،
تسلمي وسلم قلبك يالغلاااااا
تقبلي ودي وعبير وردي

المشاركة الأصلية كتبت بواسطة نزف الجرووح

كلمات في قمه الروووعه

يسلموووووو فيشوووووووو

دمت بود

الله يسلم قلبك فديتك مشكوره ياعسل على المروور

دمتي بعافيه

المشاركة الأصلية كتبت بواسطة الـريــمــيه

ابدعتي ورسمتي رائعة من روائعكـ ،،
تسلمي وسلم قلبك يالغلاااااا
تقبلي ودي وعبير وردي

حبيبتي تسلمين دايما مميزه بردودك ومواضيعك انتي ونزف عسى الله لا يحرمني منكم ولا من طلتكم